2018.03.12

Өнгөрөгч жилийн 6 болон 7 дугаар саруудад хэт халалт олон хоногоор үргэлжилж хур тунадас бага байснаас тодорхой бүс нутгуудаар га-гаас хураах ургацын хэмжээ эрс буурсан. Жилийн хэрэгцээт буудайн 40 гаруй хувийг дотоодоосоо хангасан буюу улсын хэмжээнд нийт 367.3 мянган га талбайд улаанбуудай тариалж 230.4 мянган тонн ургац хураан авснаас зохих стандартын шаардлагад нийцсэн 128,0 мянган тонн хүнсний буудайг 13 аймгийн 54 сумын 597 иргэн, аж ахуйн нэгж зах зээлд нийлүүлжээ. Дээрх буудайн 23.2 мянган тонныг Тариалан эрхлэлтийг дэмжих сан болон ОБЕГ-ын Улсын нөөцийн салбарт, 104,8 мянган тонн хүнсний буудайг 32 гурилын үйлдвэрт тус тус нийлүүлсэн байна.

2017.12.04

ХХААХҮЯ нь “Тогтвортой хөдөө аж ахуй” төсөл, Хөдөө аж ахуйн их сургууль болон бусад эрдэм шинжилгээ, мэргэжлийн байгууллагуудтай хамтран “Тариалангийн талбайн хөрсний тогтвортой ашиглалт, хамгаалалт” сэдэвт үндэсний зөвлөгөөнийг зохион байгууллаа. Зөвлөгөөнд Дархан-Уул аймгийн Ургамал газар тариалангийн хүрээлэн, Хөдөө аж ахуйн их сургуулийн Агроэкологийн сургууль, Ургамал хамгааллын хүрээлэн, Газар зүй геоэкологийн хүрээлэн, Хими, хими технологийн хүрээлэн, хөрсний задлан шинжилгээ хийдэг лабораториуд болон аймаг орон нутгийн хүнс, хөдөө аж ахуйн газар, мэргэжлийн хяналтын газар зэрэг хөрсний чиглэлээр туршилт судалгаа, сургалт зохион байгуулан ажилладаг эрдэмтэн судлаачид багш, агрономч, байцаагч нарын төлөөллөөс бүрдсэн нийт 150 орчим хүн оролцлоо.

2018.03.14

Хөдөө аж ахуйн нэгдсэн бодлогод хийсэн шинэчлэлийн үр дүнд Европын улс орнуудын хөдөө аж ахуй салбар нь илүү ихээр байгал орчинд ээлтэй, тогтвортой хөгжих нөхцөл бүрэлдсэн төдийгүй ирэх жилүүдэд  хууль эрхзүйн орчны хувьд ч илүү найдвартай тогтвортой байдалтай байна. Хөдөө аж ахуйн нэгдсэн бодлогын хүрээнд төсөвлөгдсөн санхүүжилтээр тариаланчид болон хөдөө орон нутгийн хөгжлийг түлхүү дэмжихээр болжээ. Нэгдсэн бодлогын хүрээнд 2014-2020 оны хооронд Европын Холбооноос ХБНГУ-ын хөдөө аж ахуйн салбарын хөгжилд жил бүр ойролцоогоор 6,2 тэрбум Евро төсөвлөжээ.