шинэ мэдээлэл:
Газар тариалангийн салбарын өнөөгийн байдал-тогтвортой хөгжлийн гарц, шийдэл сэдэвт онол, үйлдвэрлэлийн бага хурал амжилттай болж өндөрлөлөө
![](assets/images/d/P1040253-7f4b4cbf.jpg)
Монгол Улсын Их Хурлын Байгаль орчин, хүнс, хөдөө аж ахуйн байнгын хороо, Хүнс, хөдөө аж ахуй, хөнгөн үйлдвэрийн яам, Ургамал газар тариалангийн хүрээлэн, НҮБ-ын Хүнс, хөдөө аж ахуйн байгууллага, Герман-Монголын хамтын ажиллагааны “Тогтвортой хөдөө аж ахуй” төсөл хамтран “Газар тариалангийн салбарын өнөөгийн байдал-тогтвортой хөгжлийн гарц, шийдэл” сэдэвт онол, үйлдвэрлэлийн бага хурал Дархан-Уул аймаг, Ургамал газар тариалангийн хүрээлэн дээр 2024 оны 03 дугаар сарын 27–ны өдөр зохион байгуулагдлаа. Тус хуралд УИХ-ын тус Байнгын хорооны дарга Ж.Батжаргал, гишүүн Ч.Ундрам, Ж.Эрдэнэбат, Үйлдвэржилтын хорооны дарга Г.Ганболд болон МУ-ын Ерөнхийлөгчийн ҮАБ, Улс төрийн бодлогын зөвлөх Ж.Энхбаяр нар үг хэлж оролцлоо. “Тогтвортой хөдөө аж ахуй” төслийн ОУ-ын зөвлөх ноён Марк Мичке “Төмсний аж ахуйн ургамал хамгаалал” сэдвээр цахим илтгэл тавьж оролцож байна. Тус онол, үйлдвэрлэлийн бага хуралд Төв, Сэлэнгэ, Булган, Дархан-Уул зэрэг төвийн бүсийн аймгуудын тариаланчдын төлөөлөл, албаны бусад хүмүүс нийт 170 гаруй хүн оролцож байна.