Үр тариа хураах комбайны ашиглалтын үеийн тохируулга, техникийн засвар, үйлчилгээ

Төслийн хамтрагч байгууллага болох “ДОЙЛА-Нийнбург” мэргэжлийн сургалтын төвийн ХАА-н машин, техникийн сургалт хариуцсан дэд захирал Ульрих Лоссий 2014.09.30-10.03-ны хооронд Төв аймгийн Архуст, Борнуур, Сэлэнгэ аймгийн Хушаат сумдад “Үр тариа хураах комбайны ашиглалтын үеийн тохируулга, техникийн засвар, үйлчилгээ” сэдэвт сургалтыг амжилттай зохион байгууллаа.

Сургалтад нийт 51 хүн хамрагдаж, Германы ХАА-н Клаас фермийн Тucano, Dominator 130, Dominator 150 маркийн комбайн дээр ашиглалтын үед анхаарах зүйлс, тохиргоо, засвар үйлчилгээний талаар дадлагад суурилсан сургалтаар мэдэж авлаа. Сургалтын зэрэгцээ тухайн техникийг эзэмшигч байгууллагын комбайнч, механикжуулагчид мэдэхгүй зүйлээ лавлаж асуух, харилцан санал солилцох боломж олгосноороо онцлогтой сургалт боллоо. Ингэснээрээ энэхүү сургалтыг зорилгодоо хүрсэн гэж үнэлэх үндэслэлтэй.

Цаашид ийм төрөлжсөн, дадлагад суурилсан сургалтыг зохион байгуулах хэрэгцээтэй гэж оролцогчид дүгнэж, орчин үеийн, дэвшилтэт ХАА-н машин, техникийн тохиргоо, засвар, үйлчилгээний чиглэлээр Герман улсад очиж суралцах боломжийг судлахаар тогтлоо.