Танилцах аялал, 2013 оны 10 сар

Эхний аяллыг 2013 оны 10 дугаар сарын сүүлээр зохион байгуулсан. Уг аяллаар төлөөлөгчид германы ХАА-н техник, тоног төхөөрөмж үйлдвэрлэгч Клаас, Лемкений үйлдвэрүүд, төмсний үр үйлдвэрлэгч Европлант, тэдний зохион байгуулсан талбайн өдөрлөг, түүнчлэн төмсний үр үйлдвэрлэгч Норика компанийн үйл ажиллагаатай танилцсан.

ХАА-н мэргэжлийн боловсон хүчин бэлтгэдэг ДОЙЛА Нийнбург сургалтын төвтэй танилцаж, тус улсын мэргэжилтэн бэлтгэдэг сургалтын тогтолцоо, хос боловсролын системтэй газар дээр нь үзэж танилцах боломж олдсон юм. Практикт суурилсан сургалтад мэргэжлийн ангийн оюутан, суралцагчдыг хамруулах нь ХАА-н тогтвортой хөгжлийг хангах, эдийн засгийн ирээдүйд чиглэсэн алхам юм.

Түүнчлэн ХХААЯ-ны холбогдох газар, нэгжийн дарга ноён Др. Вакер, ноён Супп нартай хийсэн уулзалт амжилттай болж, төслийн үйл ажиллагаанд хоёр тал сэтгэл ханамжтай байгаагаа илэрхийлсэн болно.