“Газар тариалангийн салбарын боловсрол, сургалт, экстейншн” зөвлөлдөх уулзалт амжилттай зохион байгуулагдлаа
ХХААХҮЯ-ны Газар тариалангийн бодлогын хэрэгжилтийг зохицуулах газар, “Герман-Монголын “Тогтвортой хөдөө аж ахуй” төсөл хамтран “Намрын ногоон өдрүүд-Үндэсний үйлдвэрлэл 2022” арга хэмжээний нэг хэсэг болох “Газар тариалангийн салбарын боловсрол, экстейншн, боловсон хүчин” сэдэвт зөвлөлдөх уулзалтыг 2022 оны 9 дүгээр сарын 21-ний өдөр зохион байгуулав. Тус ззөвлөлдөх уулзалтад төслийн Монгол талын хамтрагчдаас 21 аймгийн агрономчид, Хөдөө аж ахуй их сургууль, Монголын үндэсний тариаланчдын холбоо, Монголын Агрономчдын холбоо, Ургамал газар тариалангийн хүрээлэн зэрэг байгууллагуудаас оролцлоо.
Харин Германы талаас тус төслийг хэрэгжүүлэгч ИАК Аграр ХХК-ны захирал Кюнстлинг Герман улсын ХАА-н экстейншний үйлчилгээ, олон улсын туршлага сэдвээр илтгэл, Монгол талаас оролцсон илтгэгч нар Монгол улсын ХАА-н салбарын экштейншн, Газар тариалангийн салбарын дээд боловсрол, ажиллах хүчин, Агрономчдын ажил эрхлэлтийн байдал зэрэг сэдвээр илтгэл тавьж оролцлоо. Мөн энэхүү уулзалтаас гарах гол үр дүнг газар тариалангийн салбарын хүний нөөцийг хөгжүүлэх, бэхжүүлэх замаар хүнсний хангамж, аюулгүй байдлыг сайжруулах зорилготой бодлогын зөвлөмж хэмээн тодорхойлж, төслийг боловсрууллаа. Зөвлөмжид:
- Газар тариалангийн боловсон хүчний ажил эрхлэлт, ажлын нөхцөлийг сайжруулах,
- Газар тариалангийн салбарт экстейншний үйлчилгээг хөгжүүлэх замаар өрсөлдөх чадвартай, тогтвортой газар тариаланг хөгжүүлэх,
- Газар тариалангийн салбарт мэргэжилтэн бэлтгэх тогтолцоо, мэргэжлийн боловсон хүчний ур чадварыг сайжруулах,
- Газар тариалангийн салбарын дээд боловсролыг сайжруулах,
- Газар тариалангийн салбарт мэргэжилтэй ажилтан бэлтгэх тогтолцоог сайжруулах зэрэг асуудлыг тусгалаа.
ГТБХЗГ-ын дарга Д. Есөн-Эрдэнэ тус зөвлөгөөнийг газар тариалангийн салбарын хөгжилд чухал үүрэгтэй боловсрол, экстейншн, боловсон хүчний асуудлаар оролцогч талуудын санал, бодлыг сонсож гарц, шийдлийг тодорхойлох боломжийг олгосон үр дүнтэй арга хэмжээ боллоо хэмээн дүгнэв