Үйл ажиллагаа

Хөдөө аж ахуйн салбарт учирч буй эрсдэл, түүнийг бууруулах арга зам, мөн салбарын даатгалын өнөөгийн байдлын талаар хэлэлцэж, цаашид хэрэгжүүлэх бодлого тодорхойлох, эрх зүйн орчинг сайжруулах, талуудын оролцоог идэвхижүүлэх, хөдөө аж ахуйн даатгалын тогтолцоог шинэчлэх зорилго бүхий "Хөдөө аж ахуйн даатгалын бодлого, тогтолцооны шинэчлэл"хэлэлцүүлэг 2016 оны 12-р сарын 20-ны өдөр ХХААХҮЯамны хурлын танхимд амжилттай болж өндөрлөлөө.

Тариалангийн салбарт ажиллаж байгаа хүн бүрийн эрхэм үүрэг нь баялагийг бүтээгч хөрс, түүний үржил шимийг хамгаалах үйл ажиллагаа байх ёстой. Сүүлийн жилүүдэд дэлхийн уур амьсгалын өөрчлөлт Монгол улсад илүү тодоор мэдрэгдэж, хөрсний элэгдэл, доройтол нь үндэсний хэмжээний тулгамдсан асуудал болоод байгаа билээ. Монгол орны тариалангийн хөрсний элэгдэл доройтлын гол шалтгаанаар хөрс боловсруулах арга ажиллагаа, агротехник, уринш үр тариа гэсэн хоёр талбайт сэлгээ буюу цулгуй уринш, органик ба эрдэст бордооны дутагдал зэргийг нэрлэж болно.

“Тогтвортой хөдөө аж ахуй” төслийн Удирдах хорооны анхдугаар хурлыг ХБНГУ-д зохион байгуулахтай холбогдуулан ХХААХҮ-ийн Дэд сайдаар ахлуулсан төлөөлөгчид тус улсад 2016.11.12-19-ний өдрүүдэд томилолтоор ажиллаад ирлээ. Тус айлчлалын бүрэлдэхүүнд Дэд сайд Ж.Сауле, Бодлого, төлөвлөлтийн газрын дарга М.Энх-Амар, Хуулийн хэлтсийн дарга Б.Батцэцэг, БТГ-ын ахлах мэргэжилтэн М.Алтансүх, ГТБХЗГ-ын ахлах мэргэжилтэн Б.Одонхүү, МАБХЗГ-ын ахлах мэргэжилтэн Я.Алтангэрэл нар багтсан болно.

Хүнс, хөдөө аж ахуй, хөнгөн үйлдвэрийн яам, Хөдөө аж ахуйн их сургууль, Герман-Монголын хамтын ажиллагааны  „Тогтвортой хөдөө аж ахуй” төслөөс хамтран 2016 оны 10-р сарын 17-18 өдрүүдэд “Монгол орны газар тариалангийн хөрсний элэгдэл, доройтол – шийдвэрлэх арга замууд” сэдэвт зөвлөгөөнийг зохион байгууллаа.

1990-ээд оны эхэн үеийн улс төр, нийгмийн өөрчлөн байгуулалт нь хөдөө аж ахуйн салбарт ч томоохон өөрчлөлтүүдийг авчирсан юм. Таримлын үр сортын бодлогыг барьж ажиллах, удирдан зохион байгуулах бүтэц тогтолцоо байхгүй болж, сорт сорилтын салбарын санхүүжилтийг бүрэн зогсоож, аж ахуйн тооцоонд шилжүүлсэн, сортын бодлогыг барих Улсын сорт сорилтын зөвлөлийг  орон тооны бус болгосон зэрэг шалтгаануудаас үүдэлтэйгээр Монгол улсын хэмжээнд үр сортын бодлого алдагдаж эхэлжээ.

Герман-Монголын хамтын ажиллагааны Тогтвортой хөдөө аж ахуй төслийн хоёрдугаар үе шат 2016 оны 4-р сарын 01-ээс хэрэгжиж эхлээд байна. Төслийн хоёрдугаар үе шатанд (2016-18) бид нэгдүгээр үе шатны туршлагад тулгуурласан, хамтрагч байгууллагуудын эрэлт хэрэгцээнд нийцсэн,  түншлэлд суурилсан зарчимаар ажиллана. Тиймээс бид  нэн тэргүүнд төслийн хамтрагч талуудын оролцоотой  хоёрдугаар үе шатны нээлтийн уулзалтыг 2016 оны 6 сарын 17-ны өдөр ХХААХҮЯ-н дээр зохион байгууллаа.

Герман-Монголын хамтын ажиллагааны Тогтвортой хөдөө аж ахуй төслийн хоёрдугаар үе шатны нэг үндсэн чиглэл нь улаанбуудайн үр, сортын эрхзүйн орчинг боловсронгуй болгоход бодлогын зөвлөгөө өгөх бөгөөд энэ хүрээнд өнгөрсөн 2016 оны 05-р сарын 28-аас 06-р сарын 04-ний өдрүүдэд ХБНГУ-д зочилж, Холбооны сортын агентлаг, тус агентлагийн харьяа Шарнхостын сорт сорилтын салбар, үр тариа, гоёл чимэглэлийн таримал, хүнсний ногооны үр үржүүлгийн хувийн аж ахуйн нэгжүүд болон судалгаа, шинжилгээний төвүүдийн үйл ажиллагаатай танилцлаа.

Герман-Монголын хамтын ажиллагааны Тогтвортой хөдөө аж ахуй төслийн эхний үе шат нь 2013 оны 4 сараас 2016 оны 3 сар дуустал үргэлжилэх бөгөөд энэ сарын 18-ны өдөр төслийн эхний үе шат дууссантай холбогдуулан хаалтын үйл ажиллагааг зохион байгууллаа. Энэхүү хаалтын үйл ажиллаганд төсөлтэй өнгөрсөн гурван жилийн хугацаанд хамтран ажилласан байгууллагуудын төлөөлөл оролцож, төслийн үр дүнгийн талаар хэлэлцлээ.

Тогтвортой Хөдөө аж ахуй төслийн санаачилга Хүнс, хөдөө аж ахуйн яам, Дорнод аймгийн Засаг даргын тамгын газрын дэмжлэгтэйгээр 3 сарын 09, 10-ны өдрүүдэд Дорнод аймгийн Чойбалсан хотод “Тогтвортой хөдөө аж ахуй” сэдэвт семинар амжилттай зохион байгуулагдлаа. Тус семинарт ХХААЯ-ны Стратегийн бодлого төлөвлөлтийн газар, Аймгийн ЗДТГ, сумдын Мал эмнэлэг, үржлийн тасаг, сумдын агрономи, орон нутгийн газар тариалан, мал аж ахуйн үйлдвэрлэл эрхлэгч аж ахуйн нэгжүүдийн төлөөллүүд, нийт 60 гаруй хүмүүс хамрагдсан.